Author: Hanna

Námskeiðið Fuglaskoðun – Hvar, hvenær og hvernig? verður haldið í Þekkingarsetrinu næsta þriðjudag, 16. apríl, kl. 20.
Hvetjum alla til að mæta – ókeypis aðgangur.

Fimmtudaginn 4. apríl komu góðir gestir í heimsókn til okkar í Þekkingarsetrið. Þar voru á ferð nemendur í vélstjórn við Fjölbrautaskóla Suðurnesja ásamt tveimur kennurum. Þeir fengu kynningu á starfseminni í húsinu og þá sérstaklega rannsóknum á áhrifum mengunar í hafinu.

Þær Sigríður Guðmundsdóttir frá fisksjúkdómadeild Tilraunastöðvar HÍ í meinafræði að Keldum og Antonella Fazio vinna nú að rannsókn á þorskseiðum í Þekkingarsetrinu. Þorskurinn er sýktur með bakteríu sem veldur kýlaveikibróður og viðbrögð fisksins við sýkingunni svo rannsökuð.

Antonella er í framhaldsnámi í líffræði við Háskólann í Messina á Sikiley. Hún fékk Erasmus styrk til að dvelja í fjóra mánuði hér á landi við rannsóknastörf að Keldum og er Sigríður leiðbeinandi hennar.