Author: Hanna

Þekkingarsetur Suðurnesja var í glæsilegum hópi þeirra sem hlutu styrk frá Menningarráði Suðurnesja í ár. Setrið hlaut 1.200.000 kr. í styrk. Nánar má lesa um styrkhafa hér.

Frá og með næstu helgi verða sýningar Þekkingarsetursins opnar alla laugardaga og sunnudaga frá kl. 13-17.
Á virkum dögum er opið hjá okkur frá kl. 10-16.

Við hvetjum alla til að koma og skoða sýningarnar sem eru áhugaverðar og skemmtilegar fyrir alla fjölskylduna.

Þriðjudagskvöldið 23. apríl var haldið námskeið í kræklingatínslu hjá Þekkingarsetrinu. Námskeiðið var vel sótt og vakti mikla ánægju meðal viðstaddra. Dr. Halldór Pálmar Halldórsson, forstöðumaður Rannsóknaseturs HÍ á Suðurnesjum, fjallaði um kræklinginn og líffræði hans en athyglin beindist þó sérstaklega að því sem hafa þarf í huga þegar hann er tíndur til matar.

Þátttakendur fengu að smakka krækling og fylgjast með ýmsum lifandi sjávardýrum. Kræklingatínslan sjálf fer svo fram næsta laugardag í Hvalfirðinum, vonandi verður af nógu að taka.