The Sudurnes Science and Learning Center
Nú hafa sýningar okkar í Þekkingarsetrinu lokað tímabundið fram að vori.
Við opnum aftur 2.maí 2023 og hlökkum til að taka á móti ykkur en í vetur munu leik – og grunnskólanemendur taka yfir setrið með ýmsum skemmtilegum verkefnum hjá okkur sem við hlökkum til að deila með ykkur.
Við þökkum kærlega þeim sem heimsóttu okkur í sumar og hlökkum til að sjá ykkur aftur og taka á móti nýjum gestum á öllum aldri og frá öllum heimsins hornum.
Tónlistarkonan Unnur Sara Eldjárn kemur fram í Þekkingarsetrinu ásamt undirleikara sunnudaginn 28.ágúst nk. klukkan 15.00.
Tónleikarnir eru liður í Bæjarhátíð Suðurnesjabæjar, sem fram fer dagana 22. – 28.ágúst nk.
Unnur Sara Eldjárn syngur franska 60’s perlur ásamt gítarleikaranum Daníel Helgasyni. Tónlistina má finna á tveimur breiðskífum sem hafa komið út á síðustu árum, „Unnur Sara syngur Gainsbourg” (2018) og „Bisous” (2020) en þar má heyra vinsæl lög frá sixties tímabilinu í Frakklandi frá flytjendum og höfundum á borð við Serge Gainsbourg, Françoise Hardy, France Gall og fleirum.
Tónlist Unnar er komin með yfir 2.000.000 streymi á Spotify og er einna vinsælust í Bandaríkjunum, Indónesíu og Filippseyjum. Poppsmellurinn “Zou Bisou Bisou” af hennar nýjustu plötu vakti jafnframt athygli á Íslandi í fyrra með langri setu á vinsældalista Rásar 2.
Hún er nú búsett í Suður – Frakklandi og vinnur í nýju sólóefni undir listamannsnafninu Sara Océan.
Notalegur söngur Unnar Söru í bland við skemmtilegar sögur af flytjendum og höfundum laganna hjálpar til við að færa okkur örlítið nær skemmtilegu tungumáli og menningu þessarar nágranna og vinaþjóðar okkar Íslendinga á sama tíma og hægt verður að njóta sýningarinnar um „Pourquoi – pas?” skipið sem fórst við Íslandsstrendur árið 1936.
Tónleikarnir eru í boði Suðurnesjabæjar og styrktir af Starfslaunum listamanna og er aðgangur ókeypis
Frítt verður inn á sýningar Þekkingarsetursins þennan dag og er opið frá 13 – 17 og er því vænlegt að kíkja við.
Það er jafnvel að það verði kaffi og eitthvað með því…
Einnig verður hægt að skella sér í ratleik um nærsvæðið en allar upplýsingar um hann er að finna hér
Nú hefur Þekkingarsetrið opnað reikninga á samfélagsmiðlunum Instagram og Twitter og hvetjum við áhugasama að fylgja setrinu þar fyrir ýmislegt fróðlegt og skemmtilegt.
Auk þess hefur einnig verið settur sérstakur Þekkingarklúbbur Suðurnesja á laggirnar innan okkar veru á Facebook.
Þar mun gestum gefast kostur á að hafa áhrif á þá kynningar – og fræðslustarfsemi sem fram fer í setrinu yfir vetrartímann og verður meðlimum hópsins m.a. boðinn forgangur á skráningu í kynningar og aðra fræðslu auk annarra kjöra.
Það er gífurlega margt spennandi og fjölbreytt framundan hjá okkur í Þekkingarsetri Suðurnesja og hvetjum við ykkur öll til að fylgjast vel með.
Takk fyrir innlitið!