The Sudurnes Science and Learning Center
Þekkingarsetrið verður lokað á morgun, uppstigningardag 14. maí.
Minnum á að nú er komin sumartími í Þekkingarsetrinu og sýningarnar því opnar alla virka daga frá kl. 10:00 til 16:00 og um helgar frá kl. 13:00 til 17:00.
3. bekkur Sandgerðisskóla kom í dag í Þekkingarsetrið með kuðunga og skeljar sem þau fundu í Sandgerðisfjöru. Þau suðu, hreinsuðu og flokkuðu kuðunganna sem svo verða notaðir í listaverk. Krakkarnir fengu fræðslu um nákuðunga, klettadoppur og þangdoppur og svo var farið í þangálfaleit.
Heimsóknin er hluti af samstarfsverkefni Sandgerðisbæjar með finnska sveitarfélaginu Mänttä-Vilppula, sem er styrkt af Comenius Regio hluta Menntaáætlunar ESB. Markmið verkefnisins er að tengja betur saman skóla og stofnanir sveitarfélaganna með sérstaka áherslu á náttúrufræði og listir. Grunnskólinn og leikskólinn í Sandgerði, Rannsóknasetur Hí á Suðurnesjum, Náttúrustofa Suðvesturlands og Listatorg eru þátttakendur í verkefninu auk Þekkingarsetursins.
Líf- og umhverfisfræðingar Þekkingarsetursins og Náttúrustofu Suðvesturland tóku þátt í mjög vel heppnaðri starfskynningu sem Fræðsluskrifstofa Reykjanesbæjar, ásamt náms- og starfsráðgjöfum, stóðu fyrir í gær.
Starfskynningin er liður í átaksverkefni til eflingar menntunar á Suðurnesjum og þar fá nemendur í 9. og 10. bekk á Suðurnesjum tækifæri til þess að fræðast um hina ýmsu starfsvettvanga með því að ganga á milli bása og spyrja spurninga.
Eins og sjá má á meðfylgjandi myndum voru krakkarnir mjög áhugasöm um störf líf- og umhverfisfræðinganna.
