Category: Fréttir

Við hjá Þekkingarsetri Suðurnesja, Rannsóknasetri Háskóla Íslands á Suðurnesjum og Náttúrurstofu Suðvesturlands ætlum kl 17:00 í dag að bjóða gestum og gangandi upp á þaragrillaðan krækling í tilefni Jarðvangsvikunnar.

Kræklingurinn er í boði Íslandsskeljar sem ræktar krækling á sjálfbæran og umhverfisvænan hátt í Faxaflóa og Hvalfirði.

Þekkingarsetrið vill þakka Kolbrúnu, Halldóri og Skúla, nemendum í 7. bekk Sandgerðisskóla fyrir notalega stund í gær þegar þau lásu upp úr  upp úr bók Selmu Hrannar Maríudóttur, Glingló, Dabbi og Rex – Rassaköst á Reykjanesi.

Það var afar góðmennt og auk upplestursins gafst gestum einnig tækifæri til að fylgjast með veiðum fuglafræðinga sem þessa dagana stunda rannsóknir hér í Sandgerði.

 

Krabbarnir í búrunum vekja alltaf hrifningu yngstu gesta Þekkingarsetursins

Þekkingarsetrið verður með tvo viðburði í tilefni jarðvangsviku Reykjanes jarðvangs sem haldin verður í þriðja sinn dagana 25.-30. maí.

Miðvikudaginn 27. maí kl. 17:00 munu börn úr 7. bekk Sandgerðisskóla lesa upp úr bók Selmu Hrannar Maríudóttur, Rassaköst á Reykjanesi.

Föstudaginn 29. maí kl. 17:00 verður kveikt upp í þaragrillinu og gestum boðið upp á grillaðan krækling og fleira góðgæti úr fjörunni.