Author: Hanna

Þekkingarsetrið tekur nú þátt í samstarfsverkefni sem Sandgerðisbær hlaut Comenius Regio styrk til að vinna. Verkefnið er til tveggja ára og hófst í október með heimsókn átta Finna hingað, en finnska sveitarfélagið Mänttä-Vilppula er samstarfsaðili í verkefninu.

Verkefnið kallast Development of curricula and teacher training og snýr að þróun námskráa, kennsluefnis og þjálfunar fyrir kennara í náttúrufræðum og listgreinum. Markmið verkefnisins er að tengja saman skóla og hinar ýmsu stofnanir og fyrirtæki bæjarfélaganna á þessum sviðum.

Rannsóknasetur HÍ á Suðurnesjum og Þekkingarsetrið tóku þátt í Vísindavöku Rannís sem haldin var föstudaginn 27. september.

Daginn áður var Vísindakaffi haldið í Þekkingarsetrinu við mikla ánægju gesta. Þar var fjallað um rannsóknir á grjótkrabba og krækling auk þess sem gestir fengu að smakka á kræsingunum.

Fleiri myndir frá viðburðunum má sjá hérna.

Námskeið í handflökun fisks var haldið af Þekkingarsetrinu og MSS í samstarfi við fleiri aðila. Leiðbeinendur námskeiðsins voru vanir handflakarar frá Fiskverkun K&G, Fiskverkun Ásbergs – Nesfiskur lánuðu okkur aðstöðu og Stofnfiskur aðstoðaði við að útvega fisk til flökunar.

Þátttakendur fengu kennslu í handflökun á laxi, ýsu og kola og sýndu þeir góð handtök eins og sjá má á meðfylgjandi myndum.

Skráning stendur yfir á komandi námskeið Þekkingarsetursins. Nánar má lesa um þau hér.