Author: Hanna

Þekkingarsetur Suðurnesja var einn níu aðila af Suðurnesjum sem tóku þátt í Mannamóti markaðsstofanna sem haldið var í gær í Reykjavík. Mannamót er kynningarvettvangur ferðaþjónustunnar á landsbyggðinni og tilgangurinn er að kynna landsbyggðarfyrirtæki fyrir ferðaþjónustuaðilum sem staðsettir eru í Reykjavík.

Þekkingarsetrið kynnti sýningarnar tvær sem í boði eru á Garðveginum auk þess sem fólk gat horft á nýja kynningarmyndbandið sem sýnir vel rannsóknaaðstöðu setursins og stoðstofnana þess.

Við minnum á að hópar geta heimsótt sýningarnar hvenær sem er skv. samkomulagi en annars er vetraropnunartíminn frá kl. 10-14 alla virka daga.

Þekkingarsetrið verður lokað á milli jóla og nýárs, opnum aftur fimmtudaginn 2. janúar kl. 8:00.

Við óskum ykkur gleðilegra jóla og farsældar á komandi ári. Hafið það sem allra best yfir hátíðirnar.

Kveðja frá starfsfólki Þekkingarseturs Suðurnesja

Nú er skipulag námskeiða á vorönn 2014 klárt og má skoða það hérna. Við hvetjum alla til að skrá sig sem fyrst enda námskeiðin bæði áhugaverð og skemmtileg. Þremur þeirra lýkur með fjöruferð sem gaman er að taka alla fjölskylduna með í.