Author: Hanna

Þekkingarsetur og sambærilegar stofnanir er að finna víðsvegar um landið. Það elsta var stofnað árið 2003 á Húsavík, Þekkingarnet Austurlands, og síðan bættust þau við eitt af öðru á Vestfjörðum, Austurlandi og Suðurlandi. Þekkingarsetur Suðurnesja er í hópi yngstu setranna ásamt Þekkingarsetrinu á Blönduósi og Nýheimum á Höfn í Hornafirði. Setrin eru orðin átta talsins.

Setrin hafa nú myndað samstarfsgrundvöll og var fyrsti ársfundur þekkingarsetra og sambærilegra stofnana haldinn 13. febrúar síðastliðinn í Þekkingarsetri Suðurnesja.

Þar fengu menn meðal annars að kynnast starfsemi hvers seturs fyrir sig, sérstaklega með tilliti til rannsóknastarfs. Þá var farin skoðunarferð um Þekkingarsetur Suðurnesja.

Fundurinn var bæði skemmtilegur og gagnlegur og verður endurtekinn að ári í Þekkingarsetrinu á Blönduósi.

Líffræðingar Þekkingarsetursins og Rannsóknaseturs HÍ á Suðurnesjum tóku þátt í mjög vel heppnaðri starfskynningu sem var haldin fyrir nemendur í 9. og 10. bekk á Suðurnesjum í gær.

Krakkarnir voru áhugasamir um störf líffræðinganna en sýni og lifandi sjávardýr vöktu líka mikla athygli eins og sjá má á meðfylgjandi myndum.

Strákarnir hjá Optimus margmiðlun í Keflavík unnu nýverið glæsilegt kynningarmyndband fyrir Þekkingarsetrið. Þar sjást góð dæmi um það rannsóknastarf sem unnið er í setrinu, bæði hjá rannsóknastöð setursins, Rannsóknasetri HÍ á Suðurnesjum og Náttúrustofu Suðvesturlands.

Hér getið þið horft á myndbandið. Njótið!