Author: Hanna

Veðrið lék svo sannarlega við gesti Þekkingarsetursins á föstudaginn þegar við þaragrilluðum krækling frá Íslandsskel í Reykjanesbæ.

Kræklingurinn bragðaðist einstaklega vel og kunnu bæði ungir og eldri vel að meta.

Einnig voru á boðstólnum fersk söl og purpurahimna. Purpurahimna er mest borðaði matþörungur í heimi en flestir þekkja hana sem nori sem notað er í sushi-gerð. Hún vex í fjörum landsins yfir sumartímann og bragaðst vel bæði fersk og þurrkuð.

Til að toppa annars frábæra stemningu dró einn gesturinn fram harmónikku og má svo sannarlega segja að hann hafi slegið í gegn.

Þekkingarsetrið vil þakka öllum sem tóku þátt í þessum skemmtilega degi með okkur.

Við hjá Þekkingarsetri Suðurnesja, Rannsóknasetri Háskóla Íslands á Suðurnesjum og Náttúrurstofu Suðvesturlands ætlum kl 17:00 í dag að bjóða gestum og gangandi upp á þaragrillaðan krækling í tilefni Jarðvangsvikunnar.

Kræklingurinn er í boði Íslandsskeljar sem ræktar krækling á sjálfbæran og umhverfisvænan hátt í Faxaflóa og Hvalfirði.

Þekkingarsetrið vill þakka Kolbrúnu, Halldóri og Skúla, nemendum í 7. bekk Sandgerðisskóla fyrir notalega stund í gær þegar þau lásu upp úr  upp úr bók Selmu Hrannar Maríudóttur, Glingló, Dabbi og Rex – Rassaköst á Reykjanesi.

Það var afar góðmennt og auk upplestursins gafst gestum einnig tækifæri til að fylgjast með veiðum fuglafræðinga sem þessa dagana stunda rannsóknir hér í Sandgerði.

 

Krabbarnir í búrunum vekja alltaf hrifningu yngstu gesta Þekkingarsetursins