The Sudurnes Science and Learning Center
Starfsgreinakynning SSS fór fram þann 5.október sl. í íþróttahúsi Keflavíkur við Sunnubraut. Þar kynntust nemendur 8. og 10.bekkja allra grunnskóla á Suðurnesjunum yfir 100 starfsgreinum með það fyrir augum að víkka sjóndeildarhring þeirra þegar út á vinnumarkaðinn verði farið.
Við þökkum öllum sem að komu kærlega fyrir en Þekkingarsetrið sér um skipulag og verkefnastjórnun á starfsgreinakynningunni sem hefur verið haldin árlega frá árinu 2012
Frétt tekin af vef Háskólasamfélags Suðurlands:
Í tilefni af ársfundi Samtaka þekkingarsetra SÞS stóðu samtökin fyrir málþingi á Selfossi þann 29. ágúst sl.
Til umfjöllunar voru þau verkefni og hlutverk sem setrin gegna á sínum svæðum og mikilvægi þeirra í samfélaginu, ásamt þeirri staðreynd að setrin sem mynda samtökin eru með lausa samninga við Háskóla-, iðnaðar og nýsköpunarráðuneytið / HVIN og hafa verið svo síðan 2018, með tilheyrandi óvissu í rekstri.
Til þingsins voru jafnframt boðaðir fulltrúi ráðuneytisins, Áslaug Arna Sigurbjörnsdóttir ráðherra, auk eigenda setranna og aðstandenda. Á málstofunni voru erindi frá Ingunni Jónsdóttur formanni SÞS og framkvæmdastjóra Háskólafélags Suðurlands, Þorvari Árnasyni forstöðumanni Rannsóknarstofnunar Hí á Hornafirði og Tryggva Hjaltasyni stjórnarformanni Þekkingarseturs Vestmannaeyja auk erindis frá Áslaugu Örnu ráðherra.
Í framhaldinu af erindunum voru settar upp pallborðsumræður sem í voru auk ráðherra, Sæunn Stefánsdóttir forstöðumaður Stofnunar rannsóknarsetra HÍ og stjórnarkona í Háskólafélaginu, Austurbrú og Þekkingarsetri Vestmannaeyja; Hafdís Hrönn Hafsteinsdóttir þingkona Suðurkjördæmis og Teitur Björn Einarsson þingmaður Norðvestur kjördæmis.
Góður rómur var gerður að erindunum, sem og góðum og málefnalegum umræðum í pallborði. Félagar í Samtökum þekkingarsetra tóku með sér góðan stuðning og skilning á mikilvægi þeirrar vinnu sem unnin er á þeirra vegum og þakkar öllum þátttakendum fyrir komuna og innleggin.
Hér má hlýða á erindi Ingunnar Jónsdóttur / Samtök Þekkingasetra – Ingunn Jónsdóttir framkvæmdastjóri HfSU
Hér má hlýða á erindi Þorvarðar Árnasonar
Fleiri erindi má finna hér
Þekkingarsetur Suðurnesja þakkar kærlega fyrir móttökurnar á Selfossi
Í nýjasta tölublaði Iceland Review má lesa stórfenglega umfjöllun um rannsóknir Sölva Rúnars Vignissonar, líffræðings hjá Þekkingarsetri Suðurnesja á fuglategundinni Haematopus ostralegus (tjaldi).
Sölvi hefur um árabil rannsakað ferðalög, heilsu og hagi þessa áhugaverða fugls og hefur skapast mikil umræða um tjaldinn og farfugla á Suðurnesjum í kjölfarið.
Tímaritið Iceland Reveiw fylgdi Sölva eftir ásamt ljósmyndara fyrr í sumar og náðust vægast sagt fallegar myndir til að fylgja þessari áhugaverðu frásögn.
Greinina, sem kallast “To Catch An Oystercatcher” má lesa í heild sinni hér