Author: Daniel

Árleg starfsgreinakynning Sambands sveitarfélaga á Suðurnesjum fór fram þann 15. október sl. í Blue-höllinni við Sunnubraut í Reykjanesbæ.

Viðburðurinn er vettvangur samtals atvinnulífsins við ungt fólk á Suðurnesjum en yfir 1.000 nemendur 8. og 10. bekkja allra grunnskóla Suðurnesja auk nemenda úr Fjölbrautaskóla Suðurnesja, sækja viðburðinn og kynnast um 140 starfsgreinum í gegnum samtal og athugun. Starfsgreinakynningin er liður í sóknaráætlun Suðurnesja og markmið hennar meðal annars að efla starfsfræðslu grunnskólanemenda, auka starfsvitund þeirra og gefa atvinnulífinu á svæðinu tækifæri á að kynna störf sín og tengjast nemendum.

Þekkingarsetur Suðurnesja hefur verkefnastýrt og framkvæmt viðburðinn fyrir og með stuðningi SSS um árabil.

Víkurfréttir litu við og tóku nemendur og ýmsa aðkomandi aðila tali

 

Opnað hefur verið fyrir umsóknir  fyrir POLARIN Transnational Access og Call to Core Repositories 2026 frá og með 1. september sl. 

Sjóðirnir styrkja aðgengi og afnot vísindamanna að 31 rannsóknarsetri og skipum víðsvegar um heimskautin þ.m.t. Þekkingarsetri Suðurnesja.

Þar af eru 16 stöðvar staðsettar á eða við norðurskautið, 9 við suðurskautið og sex á sjó.

Við hvetjum áhugasama vísindamenn sem leggja áherslu á rannsóknir, tilraunir eða aðra vettvangsvinnu á þessum svæðum að sækja um. Umsóknarfrestur er 29. október nk. kl. 16.00 (CET) eða 14.00 að íslenskum tíma.

Áhugasömum er bent á kynningarviðburð setranna þann 7. september nk. kl. 13.00 að íslenskum tíma sem fram fer í gegnum þennan hlekk.

Þá er einnig hægt að kynna sér styrkinn enn frekar á opnu netnámskeiði þann 14. september nk. kl. 11.00 að íslenskum tíma í gegnum þennan hlekk.