Posted on

Lokað yfir helgina

Þekkingarsetur Suðurnesja verður lokað yfir komandi helgi (5. og 6.ágúst nk.) auk þess sem lokað verður á frídegi versliunarmanna þann 7.ágúst nk. sömuleiðis.

Sýningar seturssins hafa vaxið og dafnað á árinu svo um munar og hafa nýir munir bæst við sýninguna Heimskautin heilla auk þess sem gagnvirka fræðsluverkefnið Fróðleiksfúsi mun verða gestum opið næsta sumar en til mikils er að hlakka. Verður verkefnið kynnt sérstaklega í haust.

Við minnum á að sýningar okkar eru lokaðar yfir vetrartímann eða frá og með 1.september nk. en alltaf er hægt að hafa samband í s. 423-7555 eða í gegnum tölvupóst thekkingarsetur@thekkingarsetur.is ef hugað er að heimsókn utan opnunartíma.

Njótið verslunarmannahelgarinnar

The exhibitions of the Sudurnes Science & Learning Center will be closed this weekend and the following Monday (5th – 7th of August). 
See you on August 8th! 

Posted on

Fugladauði vekur furðu

Sölvi Rúnar. Mynd//Steingrímur Dúi hjá Vísir.is

Undanfarið hefur gríðarlegur fjöldi fugla fundist dauður í fjörum víðsvegar um land. Mikið erum að lundar og ritur finnist dauðar í Faxaflóa og vekur það undrun og furðu sérfræðinga þegar raunin er að ákveðnar fuglategundir finnist jafnvel dauðar utan þess svæðis sem þær halda sig eða verpa á.

Vegna þessa var fuglafræðingur Þekkingarseturs Suðurnesja, Sölvi Rúnar Vignisson, tekinn tali vegna málsins í kvöldfréttum Stöðvar 2 um liðna helgi en þar lýsir hann áhyggjum sínum af þessu og kafar ofan í saumana. Viðurkennir Sölvi að hann hafi aldrei séð svona mikinn fjölda dauðra fugla á þessum árstíma áður.

 

Posted on

Sýningar Þekkingarsetursins opna aftur 2.maí nk.!

Þriðjudaginn 2.maí nk. opna sýningar Þekkingarsetursins að nýju fyrir almenning.

Jörundur Svavarsson, Sophie Jacob og Guillaume Bazard, sendiherra Frakklands

Sýningarnar trekkja árlega að alþjóðlega blöndu gesta á öllum aldri en á sýningunum er að finna ýmislegt sem kætir hug og hjörtu ungra sem aldna.

Nýjum sýningarmunum hefur þá verið bætt við sýninguna Heimskautin heilla, sem segir frá lífi, starfi og örlögum franska skipstjórans Jean-Baptiste Charcot og rannsóknarskipsins Pourquoi-Pas? en það var barnabarnabarnabarn Charcot sem færði sýningunni nýja muni í mars sl. við hátíðlega athöfn.

Nature Gallery

Náttúrugripasýning okkar, sem hefur verið staðsett í húsinu í nær 30 ár eflist einnig við hvert ár og vinnum við nú að gagnvirka fræðsluleiknum Fróðleiksfúsi sem verður komið þar fyrir á þessu ári en verkefnið hefur hlotið styrk frá bæði Uppbyggingarsjóði Suðurnesja og Menningarsjóði Suðurnesjabæjar og er vinna í fullum gangi. Auk þess hafa ýmsir fiskar og ótal fuglaegg bæst við safnið að undanförnu.

Þangálfarnir heilsa svo gestum á jarðhæðinni þar sem sýningin Huldir heimar hafsins tekur völdin. 

Sumarið okkar hér í setrinu hefst sannarlega með opnuninni og  heimsóknum skólahópa í maí og júní en árlega tekur Þekkingarsetrið á móti  um þúsund börnum á vordögum frá ýmsum löndum en mest megnis Íslandi.

Við hvetjum ykkur til að kynna ykkur sýningar Þekkingarseturs hér á heimasíðu okkar og hlökkum til að sjá ykkur í sumar!