Category: Fréttir

Þekkingarsetur Suðurnesja býður upp á sölvatínsluferð sunnudaginn 10. ágúst. Söl eru mikið lostæti og verður þátttakendum leiðbeint um tínslu og vinnslu þeirra.

Mæting er við styttuna af Geirfuglinum við Valahnjúk á Reykjanesi kl. 11:00. Þátttakendur þurfa að vera í vatnsheldum skóm, helst stígvélum, og hafa með sér lekan poka til að safna í, til dæmis strigapoka.

Skráning hér
.

Þekkingarsetrinu barst á dögunum glæsileg viðbót við sýninguna Heimskautin heilla. Hermann Jónasson, fyrrverandi lögreglustjóri og forsætisráðherra, fékk málverk af Jean-Baptiste Charcot að gjöf frá listmálaranum sjálfum um það leyti sem rannsóknaskip Charcot fórst við strendur Íslands árið 1936. Málverkið er tölusett og áritað til Hermanns.

Steingrímur Hermannsson, sonur Hermanns og fyrrverandi forsætisráðherra, fékk verkið síðar frá föður sínum og hefur það verið í eigu fjölskyldu hans í áratugi. Föstudaginn 6. júní afhenti Edda Guðmundsdóttir, ekkja Steingríms, Þekkingarsetrinu verkið til varðveislu og eru meðfylgjandi myndir frá viðburðinum.

Við hvetjum alla til að koma og skoða þessa glæsilegu viðbót við sýninguna.

Nú annað árið í röð býður Keilir upp á tækni- og vísindasmiðju fyrir krakka á aldrinum 10-13 ára. Hvert námskeið er ein vika, frá mánudegi til föstudags kl. 9:00-15:00. Fysta námskeiðið hefst mánudaginn 23. júní. Þekkingarsetur Suðurnesja er aðili að verkefninu.

Nánari upplýsingar um námskeiðið má finna hér. Skráning fer fram á www.keilir.net.