The Sudurnes Science and Learning Center
Námskeiðadagskrá Þekkingarsetursins, í samstarfi við Miðstöð símenntunar á Suðurnesjum, fyrir komandi vorönn hefur litið dagsins ljós og bjóðum við að þessu sinni upp á 3 spennandi námskeið sem lesa má um hér:
https://thekkingarsetur.is/thekkingarsetur-sudurnesja/fraedsla/namskeid/
Gjafabréf á námskeið Þekkingarsetursins er skemmtileg jólagjöf fyrir skapandi og fróðleiksfúst fólk á öllum aldri.
Síðasta sýnatakan í tveggja ára vöktunarverkefni fór fram í gær í kulda og fárviðri, þar sem þessar skemmtilegu myndir voru teknar.
Líffræðingar Þekkingarsetursins og Náttúrustofu Suðvesturlands hafa undanfarin tvö ár tekið mánaðarleg sýni í grýttum fjörum og setfjörum við Sandgerði til þess að rannsaka árstíðabundinn breytileika í samfélagsgerð smádýra og fjölda lykillífvera í fjörum.
Þessi rannsókn er algjört einsdæmi hér á landi og býr til undirstöðuþekking á árstíðabreytingum og eðli þeirra, sem er mikilvægur grunnur fyrir frekari rannsóknir á lífríki fjara. Þessi nýja þekking er m.a. mikilvæg fyrir fuglarannsóknir þar sem þekkt er að ákveðnar fuglategundir (t.d. tildra, sanderla, sendlingur og sandlóa) sækja í ákveðnar fjörur en enn er ekki nákvæmlega vitað hvað það er sem þær sækja í.
Þekkingarsetrið var einn af 25 heppnum styrkþegum þegar Landsbankinn veitti styrki úr samfélagssjóði sínum í síðustu viku. Við fengum 250.000 kr. styrk til rannsókna á vistfræði fjara á Reykjanesskaganum og færum Landsbankanum miklar þakkir fyrir.
