Category: Fréttir

Það er óhætt að segja að líf og fjör hafi verið í Þekkingarsetrinu á föstudagskvöldið þegar hressir líffræðinemar við HÍ komu í árlega vísindaferð þeirra í Þekkingarsetrið. Hinir verðandi líffræðingar skoðuðu sýningarnar, fengu kynningar á starfsemi Þekkingarsetursins og stoðstofnanna þess, Náttúrustofu Suðvesturlands og Rannsóknarsetur Háskóla Íslands á Suðurnesjum, og brugðu á ýmiskonar sprell.

Sölvi að kynna starfsemi Þekkingarsetursins

Krabbaskoðun með Halldóri

Sunna kynnir önnur gæludýr Þekkingarsetursins

Veitingarnar runnu ljúflega niður. Skál!

Hópur ​23 líffræðinema frá Háskóla Íslands kom til okkar í verklega kennslu í eiturefnavistfræði í vikunni.

Það voru þeir Dr. Halldór Pálmar Halldórsson, forstöðumaður Rannsóknaseturs HÍ á Suðurnesjum, sem sá að venju um kennsluna og Sölvi Rúnar Vignisson, líffræðingur hjá Þekkingarsetrinu, sem kynnti nemunum starfsemi setursins.

Þekkingarsetrið tók þátt í Mannamóti markaðsstofanna sem haldið var í gær í Reykjavík. Mannamót er kynningarvettvangur ferðaþjónustunnar á landsbyggðinni og hér fengu landsbyggðarfyrirtæki tækifæri til að kynna starfsemi sína fyrir ferðaþjónustuaðilum sem staðsettir eru á Höfuðborgarsvæðinu.

Þekkingarsetrið kynnti sýningarnar tvær sem í boði eru á Garðveginum auk þess sem fólk gat horft á kynningarmyndband um rannsóknaaðstöðu setursins og stoðstofnana þess.