The Sudurnes Science and Learning Center
Þekkingarsetrið ásamt Miðstöð símenntunar á Suðurnesjum bjóða gestum og gangandi að koma á sérstakt hrekkjavökuskreytingakvöld í Þekkingarsetrinu annað kvöld frá kl.17.00.
Grasker og ýmiskonar pappírsföndur og notaleg stemming sem hentar fjölskyldufólki sem og öðrum sem huga jafnvel að veisluhöldum á hrekkjavöku 31.október eða um það leyti.
Skráningu fer fram HÉR
Hlökkum til að sjá ykkur!
Starfsgreinakynning fyrir nemendur 8. og 10.bekkjar (auk valinna eldri nemenda úr framhalds – og háskóla) var haldin í Blue-höllinni við Sunnubraut í Keflavík þann 11.október sl. og fór einstaklega vel fram.
Þar kynntu yfir 110 starfsgreinar sín daglegu störf með ýmsum hætti, tólum, tækjum, tali, tónum og veitingum, svo eitthvað sé nefnt. Starfsgreinakynningin var síðast haldin árið 2019 en hefur annars verið haldin árlega frá árinu 2012 af samtökum sveitarfélaga á Suðurnesjum (SSS) en Þekkingarsetur Suðurnesja sér um verkefnastjórnun og skipulagningu viðburðarins, sem sóttur af rúmlega 1000 börnum.
Ýmsir fjölmiðlar veittu kynningunni gaum og þar á meðal mætti Suðurnesjamagasín Víkufrétta á svæðið og tók unga fólkið tali ásamt völdum starfsgreinum og aðstandendum.
Takk fyrir komuna, kynninguna og samveruna öllsömul og við hlökkum til næsta árs!
Annað kvöld, 6.október nk. mun Þekkingarsetrið leiða göngu milli Garðskagavita og Sandgerðisvita kl. 18.00
Hist verður við gamla Garðskagavita og þaðan gengið að Sandgerðisvita, n.t.t. Sjávarsetrinu, þar sem aðstandendur munu bjóða upp á sjávarréttasúpu og happy hour á kostakjörum.
Viðburðurinn er liður í heilsuviku Suðurnesjabæjar sem fram fer dagana 3. – 9.október og fer skráning fram í gegnum daniel@thekkingarsetur.is eða einfaldlega með því að mæta á svæðið.
Hlökkum til að sjá ykkur