Posted on

Sölvi Rúnar í Víkurfréttum

Þann 16.febrúar sl. hélt líffræðingurinn og doktorsneminn Sölvi Rúnar Vignisson einstaklega áhugavert fræðsluerindi um ferðir farfuglanna og rannsóknir sínar þeim tengdum undanfarin ár.

Fræðsluerindið fór fram fyrir þéttsettnum náttúrusal Þekkingarseturs Suðurnesja og var haldið í samstarfi við Miðstöð símenntunnar á Suðurnesjum en Sölvi Rúnar starfar einmitt í Þekkingarsetri Suðurnesja við rannsóknir sínar á ýmsum far- og staðfuglum. Þá er Sölvi tíður ráðgjafi í ýmsu sem tengist fuglalífi á Suðurnesjum og má nefna sem dæmi byggingu á sérstöku fuglaskoðunarhúsi í Reykjanesbæ fyrir stuttu.

Hægt er að lesa ítarlega umfjöllun um störf Sölva í nýjasta tölublaði Víkurfrétta  hér og sömuleiðis spila viðtal við hann sem birtist í nýja Suðurnesjamagasíni Víkufrétta.

Við þökkum Víkurfréttum fyrir frábæra umfjöllun um þessi mikilvægu og mögnuðu störf okkar manns og hvetjum áhugasama að líta við í setrið og virða fyrir sér ýmislegt eða jafnvel láta sjá sig næst þegar Sölvi Rúnar heldur slíkan fyrirlestur og fræðsluerindi.

Posted on

Þekkingarsetrið hlýtur styrki úr Uppbyggingarsjóði Suðurnesja

Föstudaginn 3. febrúar sl. voru afhentir styrkir úr Uppbyggingarsjóði Suðurnesja fyrir starfsárið 2023.

Fallegur óperusöngur hljómaði og veglegar veitingar voru færðar fram í Hljómahöll en alls hlutu 40 verkefni styrk úr sjóðnum.

Þekkingarsetrið hlaut styrk til framleiðslu á verkefni sínu Fróðleiksfúsi sem er gagnvirk og skemmtileg leið fyrir yngri gesti seturssins til að kynnast munum náttúrusýningarinnar okkar og náttúrunnar um kring.

Einnig hlaut Rannsóknarsetur Háskóla Íslands á Suðurnesjum, sem starfar innan seturssins styrk til áframhaldandi rannsókna sinna á mengun sjávar á Suðurnesjum.

Víkurfréttir

Óskum við öllum styrkhöfum innilega til hamingju og þökkum við kærlega fyrir okkur. Við hlökkum mikið til að þróa Fróðleiksfúsa áfram og sýna ykkur afrakstur þess á komandi misserum.

Sjáumst í setrinu!

Posted on

Umsóknarfrestur í AWE: Frumkvöðlahraðal fyrir konur

Háskóli Íslands stendur í vetur fyrir frumkvöðlahraðli fyrir konur undir merkjum AWE eða Academy for Woman Entrepreneurs í samvinnu við bandaríska sendiráðið á Íslandi. Aðrir samstarfsaðilar eru FKA – félag kvenna í atvinnulífinu og Samtök kvenna af erlendum uppruna.Þetta er í þriðja sinn sem hraðallinn er haldinn.

Aldrei hefur verið mikilvægara en nú að fjölga sprotum og efla nýsköpun í íslensku efnahagslífi og að sama skapi auka hlut kvenna á þeim vettvangi. Markmið hraðalsins er að efla konur til að þróa áfram sínar viðskiptahugmyndir, bjóða upp á fræðslu og efla tengslanetið.

Verkefnið er á vegum bandarískra stjórnvalda og er í boði víða um heim. Það samanstendur af netnámskeiðinu Dreambuilder á vegum Thunderbird School of Managament við Ríkisháskólann í Arizona og vinnulotum sem Háskóli Íslands heldur utan um. Ein staðlota verður haldin á Bifröst í samvinnu við Háskólann á Bifröst.

Virkjum nýsköpunarkraft kvenna

Þekkingarsetrið hvetur til umsóknar í þennan spennandi og öfluga sjóð

Umsóknarfrestur er til og með 9. febrúar. Þú getur sótt um hér.