Posted on

Þekkingarsetur Suðurnesja aðili að INTERACT

Þekkingarsetur Suðurnesja, ásamt stoðstofnunum þess Náttúrustofu Suðvesturlands og Rannsóknasetri Háskóla Íslands á Suðurnesjum, varð á dögunum 71. aðili að INTERACT (International Network for Terrestrial Research and Monitoring in the Artic). INTERACT er alþjóðlegt net rannsóknastöðva á norðlægum slóðum sem fengið hefur fjármögnun úr rammaáætlunum Evrópusambandsins um rannsóknir og þróun. Meginhlutverk INTERACT er að byggja upp aðstöðu og þekkingu til að skilgreina og bregðast við umhverfisbreytingum á norðlægum slóðum.

Í aðild Þekkingarsetursins að INTERACT felast margskonar tækifæri fyrir starfsemi og rekstur setursins og stoðstofnana þess, auk samstarfsmöguleika við fjölmarga erlenda vísindamenn og rannsóknastofnanir á norðurslóðum.
Tvær aðrar íslenskar rannsóknastöðvar eru aðilar að INTERACT, Rannsóknastöðin að Litla-Skarði í Borgarfirði og Rannsóknastöðin Rif á Raufarhöfn.

Terry Callaghan, umsjónarmaður INTERACT, heimsótti Þekkingarsetrið á dögunum. (Mynd: Reynir Sveinsson).
Terry Callaghan, umsjónarmaður INTERACT, heimsótti Þekkingarsetrið á dögunum. (Mynd: Reynir Sveinsson).
Posted on

Námskeið í silfur-sandsteypu með Þorgrími Kolbeinssyni 3. og 4. nóvember

Þekkingarsetur Suðurnesja mun í samvinnu við Þorgrím Kolbeinsson og Miðstöð símenntunar á Suðurnesjum halda námskeið í silfur-sandsteypu:

delftclay3

Sandsteypa er kjörin leið til að framleiða einfaldari gripi og hefur mannkynið notast við þessa aðferð frá bronsöld og hafa yfir 30 tonna styttur verið steyptar með þessari aðferð. Á námskeiðinu munu þáttakendur fá að hanna og smíða hálsmen í vax sem þeir síðan taka mót af í sérstökum sandi. Svo munum við bræða silfur og hella í mótin, hreinsa og fægja. Loks fá þáttakendur að taka menið með sér heim. Námskeiðið hentar öllum og ekki er þörf á sérstakri kunnáttu, bara mæta með góða skapið.

Námskeiðið er haldið dagana 3. og 4. nóvember frá kl. 19:30-21:30 í Þekkingarsetri Suðurnesja, Garðvegi 1, Sandgerði.

Kennari: Þorgrímur Kolbeinsson.

Verð: 8000 kr.

Innifalið: Allt efni, nema hálskeðjur hægt verður að kaupa sér.

Lágmarksfjöldi 5 manns. Hámarksfjöldi er 10 manns.

Skráning er hér

Posted on

Námskeið með Ásdísi grasalækni þriðjudaginn 14. október

Þekkingarsetur Suðurnesja, í samvinnu við Miðstöð símenntunar á Suðurnesjum, stendur fyrir námskeiði um íslenskar lækningajurtir með Ásdísi Rögnu Einarsdóttur grasalækni þar sem kennt verður að tína og nota íslenskar lækningajurtir.
ásdísgrasa

Ásdís grasalæknir hefur um margra ára skeið bætt lífsgæði og heilsu fólks með lífrænum jurtum. Á námskeiðinu verður kennt hvernig á að tína, þurrka og geyma jurtir. Farið verður yfir virk efni jurtum og notkun í ýmssa algengra íslenskra jurta í daglegu lífi. Einnig verður kennt að útbúa jurtate, seyði, tinktúrur og jurtablöndur, auk uppskrifta að jurtablöndum. Þátttakendur fá vegleg námskeiðsgögn

Námskeiðið er haldið þriðjudaginn 14. október frá kl. 20:00-21:30 í Þekkingarsetri Suðurnesja, Garðvegi 1, Sandgerði.

Skráning er hér.