Category: Fréttir

Fjöldi fólks lagði leið sína í Þekkingarsetrið um síðustu helgi en þá var Safnahelgi á Suðurnesjum. Vel yfir 300 manns heimsóttu okkur til að skoða sýningar setursins og voru þessar skemmtilegu myndir teknar við það tækifæri.

Sýningar Þekkingarsetursins verða opnar á Safnahelgi á Suðurnesjum sem haldin verður 15. og 16. mars næstkomandi. Hér má sjá dagskrá Safnahelgarinnar.

Hjá okkur verður opið frá kl. 13:00-17:00 bæði laugardag og sunnudag. Við hvetjum alla til að kíkja við enda ókeypis aðgangur.

Þekkingarsetur og sambærilegar stofnanir er að finna víðsvegar um landið. Það elsta var stofnað árið 2003 á Húsavík, Þekkingarnet Austurlands, og síðan bættust þau við eitt af öðru á Vestfjörðum, Austurlandi og Suðurlandi. Þekkingarsetur Suðurnesja er í hópi yngstu setranna ásamt Þekkingarsetrinu á Blönduósi og Nýheimum á Höfn í Hornafirði. Setrin eru orðin átta talsins.

Setrin hafa nú myndað samstarfsgrundvöll og var fyrsti ársfundur þekkingarsetra og sambærilegra stofnana haldinn 13. febrúar síðastliðinn í Þekkingarsetri Suðurnesja.

Þar fengu menn meðal annars að kynnast starfsemi hvers seturs fyrir sig, sérstaklega með tilliti til rannsóknastarfs. Þá var farin skoðunarferð um Þekkingarsetur Suðurnesja.

Fundurinn var bæði skemmtilegur og gagnlegur og verður endurtekinn að ári í Þekkingarsetrinu á Blönduósi.