Category: Fréttir

Sandgerðisdagar fara að ganga í garð og tekur Þekkingarsetrið þátt í dagskrá þeirra með ókeypis aðgangi að sýningum og opnun skemmtilegrar ljósmynda- og sögusýningar sem ber heitið Garðvegur 1 – Arfur breyttrar verkmenningar.

Hérna getið þið skoðað dagskrána betur. Við hvetjum alla til að kíkja við.

Nú eru skólar að byrja og haustið að nálgast. Þá er tímabært að kynna námskeiðin sem Þekkingarsetrið stendur fyrir, í samstarfi við Miðstöð símenntunar á Suðurnesjum, fram að jólum.

Námskeiðin eru fjögur talsins að þessu sinni og má lesa um þau hérna.

Skráning á námskeiðin fer fram á heimasíðu MSS

Þekkingarsetur Suðurnesja mun í lok sumars setja upp ljósmynda- og sögusýninguna Garðvegur 1 – Arfur breyttrar verkmenningar. Húsnæði Þekkingarsetursins á Garðvegi 1 í Sandgerði hefur mikla sögu að geyma og á sýningunni er saga hússins sögð í máli og myndum. Í dag eru þar ásamt Þekkingarsetrinu, Rannsóknasetur Háskóla Íslands á Suðurnesjum og Náttúrustofa Suðvesturlands, en í gegnum árin hefur ýmis starfsemi verið í húsinu. Upphaflega var það byggt sem frystihús og þjónaði þeim tilgangi í áratugi.

Ef einhverjir eiga gamlar ljósmyndir af húsnæðinu eða starfseminni á Garðvegi 1 og hafa áhuga á að þær verði hluti af sýningunni mega þeir endilega senda þær á netfangið thekkingarsetur@thekkingarsetur.is ásamt upplýsingum um myndefni og ljósmyndara.

Sýningin er hluti af dagskrá Evrópska menningarminjadagsins og sett upp í samstarfi við Minjastofnun Íslands. Uppbyggingarsjóður Suðurnesja gerði Þekkingarsetrinu kleift að setja upp sýninguna með því að veita styrk til vinnslu hennar. Sýningin opnar á Sandgerðisdögum laugardaginn 29. ágúst kl. 13 og verður aðgangur ókeypis.