Posted on

Kortlagning sílamáfavarps á Miðnesheiði

Síðustu vikur hafa líffræðingar Þekkingarsetursins og Náttúrustofu Suðvesturlands unnið að kortlagningu sílamáfavarpsins á Miðnesheiði.
IMG_1110
IMG_1115
Vinnan er hluti af verkefninu Samfélagsvísindi á Suðurnesjum sem styrkt er af Uppbyggingarsjóði Suðurnesja, og hefur það að markmiði að gefa almenningi tækifæri til að taka þátt í raunverulegum rannsóknum. Einn slíkur viðburður var haldinn um síðustu helgi þegar nokkrir vaskir Suðurnesjabúar tóku þátt í talningunni með okkur.

IMG_1101
Stærsta varpsvæði sílamáfsins á Íslandi er á Miðnesheiðinni en langt er síðan það var kortlagt síðast. Því verður mjög spennandi að sjá niðurstöður verkefnisins. Við þökkum þátttakendum í verkefninu kærlega fyrir aðstoðina.

IMG_1109

Posted on

Rannsókn á áhrifum umhverfis og lýðfræði á farhætti tjalda

Síðustu ár hefur Rannsóknasetur HÍ á Suðurlandi unnið að rannsókn á áhrifum umhverfis og lýðfræði á farhætti tjalda í samstarfi við Þekkingarsetur Suðurnesja. Sölvi Rúnar Vignisson, líffræðingur hjá setrinu, sér um rannsóknina hér.

Litmerktur Tjaldur 2017 NY-W(AA)-3037

Í rannsókninni felst að merkja og fylgjast með öllum tjöldum á Suðurlandi, Suðurnesjum og nokkrum fleiri stöðum á landinu. Þetta er gert í þeim tilgangi að bera saman þá tjalda sem eru staðfuglar og hina sem eru farfuglar, með tilliti til varpárangurs.

Búið er að taka saman vetrarsvæði tjalda frá Suðurnesjum og farleiðir þeirra og má sjá dæmi um þær á meðfylgjandi kortum.

Par frá Ásgarði Tjaldar úr pari sem verpti í hestabeithaga við Ásgarð, flugu til Írlands og eyddu vetri í hæfilegri fjarlægð hvort frá öðru.
Par frá Ásgarði
Tjaldar úr pari sem verpti í hestabeithaga við Ásgarð, flugu til Írlands og eyddu vetri í hæfilegri fjarlægð hvort frá öðru.
Hér sjást vetrarsvæði og grófar farleiðir (bein loftlína) tjalda sem urpu (gul lína) á Suðurnesjum ásamt klöktum ungum (bleik lína). Takið eftir þeim fuglum sem þreyja þorran í Hvalfirði og í Reykjavík að vetri.
Hér sjást vetrarsvæði og grófar farleiðir (bein loftlína) tjalda sem urpu (gul lína) á Suðurnesjum ásamt klöktum ungum (bleik lína). Takið eftir þeim fuglum sem þreyja þorran í Hvalfirði og í Reykjavík að vetri.
Hér sjást þeir tjaldar sem völdu að yfirgefa Ísland yfir vetrartíman.
Hér sjást þeir tjaldar sem völdu að yfirgefa Ísland yfir vetrartíman.
Posted on

Matarsóun og leiðir til að draga úr henni

Food-waste2
Langar þig að eyða minni peningum í matarinnkaup og á sama tíma stuðla að umhverfisvernd?

Þekkingarsetur Suðurnesja stendur fyrir spennandi fræðsluerindi, í boði Nettó, þar sem Rannveig Magnúsdóttir, verkefnastjóri hjá Landvernd, mun fjalla um matarsóun. Matarsóun er stórt alþjóðlegt vandamál og fjallað verður um orsakir og afleiðingar hennar en líka hvað við sjálf getum gert til að draga úr matarsóun.

Hvenær: Fimmtudaginn 15. mars frá kl. 20:00 – 21:00
Hvar: Þekkingarsetri Suðurnesja, Garðvegi 1, Sandgerði

Þátttaka er ókeypis en áhugasamir eru beðnir um að skrá þátttöku hérna.

Nánari upplýsingar í síma 423-7555 eða í tölvupósti.