The Sudurnes Science and Learning Center
Sýningar Þekkingarsetursins verða opnar á Safnahelgi á Suðurnesjum sem haldin verður 14. og 15. mars næstkomandi. Hér má sjá dagskrá Safnahelgarinnar.
Hjá okkur verður opið frá kl. 13:00-17:00 bæði laugardag og sunnudag. Við hvetjum alla til að kíkja við enda ókeypis aðgangur.
Opnuð hefur verið vefsíða, www.charcot.is, um franska lækninn, leiðangursstjórann og heimskautafarann Jean-Baptiste Charcot (1867 – 1936). Leiðangrar rannsóknaskipsins Pourquoi pas? voru hágæða rannsóknaleiðangrar í Suður- og Norðurhöfum á fyrri hluta síðustu aldar, þar sem fjölda sýna var aflað. Niðurstöður þeirra rannsókna birtust í fjölmörgum tímaritsgreinum og bókum. Charcot og áhöfn hans á rannsóknaskipinu Pourquoi-pas? voru því nánast í samskonar rannsóknum eins og kennarar og nemendur við Háskóla Ísland eru í dag.
Við hjá Þekkingarsetrinu viljum þakka Ragnheiði Traustadóttur fyrir einkar skemmtilegt og fræðandi námskeið um fornleifar og sögu á Suðurnesjum sem haldið var síðastliðinn fimmtudag.
