The Sudurnes Science and Learning Center
Sýningar Þekkingarsetursins verða lokaðar yfir páskana, frá 24. til og með 28. mars. Þær opna aftur þriðjudaginn 29. mars kl. 10:00.
Our exhibitions will be closed during the Easter weekend, from March 24th until March 28th. We open again next Tuesday, March 29th, at 10 o´clock.
Við hjá Þekkingarsetrinu, Náttúrustofu Suðvesturlands og Rannsóknasetri HÍ á Suðurnesjum fengum hóp góðra gesta til okkar í gær. Þar var á ferð Vestnorræna ráðið sem heldur árlegu þemaráðstefnu sína í Grindavík um þessar mundir.
Vestnorræna ráðið er samstarfsráð þinga og ríkisstjórna Færeyja, Grænlands og Íslands og eru 6 fulltrúar frá hverju landi í hópnum. Fjórir af sex fulltrúum Íslands koma úr Suðurkjördæmi og voru þau Oddný Harðardóttir, Páll Jóhann Pálsson, Páll Valur Björnsson og Unnur Brá Konráðsdóttir meðal gesta í gær.
Heimsóknin var mjög vel heppnuð og gestirnir sérstaklega áhugasamir um starfsemi stofnananna á Garðveginum.
Fyrr í mánuðinum fóru forstöðumenn Þekkingarsetursins og Náttúrustofu Suðvesturlands á ársfund INTERACT sem Þekkingarsetrið og stoðstofnanir þess eru aðili að. INTERACT er net rannsóknastöðva á arktískum og fjalllendum svæðum á norðurhveli jarðar (http://www.eu-interact.org/).
Rannsóknastöðvarnar sem eiga aðild að INTERACT eru orðnar 76 talsins og eru tvær hér á landi til viðbótar við Þekkingarsetrið, Litla Skarð í Borgarfirði og Rif á Melrakkasléttu.
Uppbygging og þróun INTERACT er styrkt af Evrópusambandinu og er um þessar mundir unnið að umsókn um áframhaldandi styrk til frekari uppbyggingar netsins sem er mjög öflugt og býður upp á marga spennandi möguleika fyrir Þekkingarsetrið og stoðstofnanir þess.
