Category: Fréttir

Þessi flotti hópur úr Sæmundarskóla heimsótti Þekkingarsetrið í dag í blíðskaparveðri. Krakkarnir byrjuðu á fjöruferð við Garðskaga þar sem ýmsu forvitnilegu var safnað, sem þau svo skoðuðu í víðsjá í Þekkingarsetrinu. Nemendurnir fengu fræðslu um þau dýr og muni sem er að finna á sýningunum og grilluðu svo pylsur.

Eins og sjá má á meðfylgjandi myndum skemmtu krakkarnir sér konunglega.

Starfsfólk Þekkingarsetursins vill þakka þeim liðlega 400 lærdómsfúsu og hugrökku gestum sem heimsóttu okkur á Sandgerðisdögum kærlega fyrir einstaklega gleðiríka helgi.

 

Eins og myndirnar gefa til kynna er af nægu að taka hér á Þekkingarsetrinu og við tökum alltaf vel á móti gestum.

Verðandi krabbaveiðimenn og -konur?

 

Í tilefni Sandgerðisdaga verður opið hús hjá Þekkingarsetri Suðurnesja laugardaginn 30. ágúst.

Dagskrá laugardaginn 30. ágúst

Lifandi sjávardýr verða  til sýnis sem gestir geta skoðað í návígi og jafnvel fengið að halda á ef þeir þora!

Allan daginn verður boðið upp á skoðunarferðir um húsnæði Þekkingarsetursins.

Kl. 15:00 – Sjávardýrunum gefið að borða.

Þekkingarsetrið býður einnig upp á skemmtilegan ratleik um nágrenni Sandgerðisbæjar fyrir alla aldurshópa. Ratleikurinn tekur um klukkustund og glaðningur er í boði fyrir þá sem ná að ljúka honum.

Opnunartími á Sandgerðisdögum

Mánudag til föstudag frá kl. 10:00-16:00
Laugardag og sunnudag frá kl. 13:00-17:00 – ókeypis aðgangur