The Sudurnes Science and Learning Center
Mikið var um að vera í Þekkingarsetrinu á Sandgerðisdögum. Laugardaginn 31. ágúst voru grillaðar pylsur í boði og lögðu ríflega 200 manns leið sína til okkar til að skoða sýningar og rannsóknaaðstöðu.
Margir fróðleiksfúsir og hugaðir krakkar mættu, eins og myndirnar bera með sér. Fleiri myndir má skoða á Facebook síðunni okkar.
Miðvikudaginn 28. ágúst næstkomandi stendur Þekkingarsetrið fyrir málþinginu Jarðfræði og fræðandi ferðaþjónusta í tilefni af heimsókn ástralskra sérfræðinga á sviði steingervinga, til okkar. Þátttaka er án endurgjalds og við hvetjum alla til að skrá sig hér.
Hér má sjá dagskrá málþingsins sem hefst kl. 10:00.
Mikið er um að vera þessa dagana hjá okkur í Þekkingarsetrinu. Síðan 4. ágúst hafa 14 vísindamenn frá Þýskalandi, Bandaríkjunum og Noregi dvalið hjá okkur við rannsóknir.
Vinnan er hluti af rannsóknarverkefninu IceAGE og leiðangri þýska rannsóknaskipsins Poseidon. Áður en hópurinn kom til okkar hafði hann verið á sjó í tvær vikur að kanna borndýralíf í kringum Ísland og Færeyjar. Sýnum var safnað úr hafinu og þau svo flutt í Þekkingarsetrið þar sem vísindamennirnir rannsaka þau og greina.
Rannsóknaleiðangurinn var vel heppnaður, sýnin forvitnileg og hópurinn ánægður með aðstöðuna í Þekkingarsetrinu.
